ملکہ الزبتھ دوم کی پہلی برسی کے موقع پر باسکٹ بال کے سائز کا سونے کا سکہ تیار کیا گیا ہے جس کی مالیت تقریباً 23 ملین ڈالر ہے۔
بین الاقوامی میڈیا کی رپورٹ کے مطابق، تقریباََ 8 پاؤنڈ سونے کے اس سکے میں 6,426 ہیرے جڑے ہوئے ہیں، یہ سکہ اب تک کے سب سے قیمتی سکوں میں سے ایک ہے۔
ملکہ الزبتھ کی پہلی برسی سے کچھ دن پہلے اس یادگاری سکے کی نمائش کی گئی ہے۔
اس سکے کو برطانوی راج میں سرگرم رہنے والی ایسٹ انڈیا کمپنی نے بنایا ہے۔ اگرچہ یہ کمپنی ختم ہوچکی ہے لیکن اس کے نام کو استعمال کرنے. کا قانونی اجازت نامہ سنجے مہتا نامی شخص کے پاس ہیں۔
اس سکے کا نام’دی کراؤن‘ رکھا گیا ہے. لیکن اسے قانونی حکومتی سکے کا درجہ نہیں دیا گیا۔
اس سونے کے سکے کا قطر 9.6 انچ ہے. جس پر 24 کیرٹ سونے کے ایک درجن سکے اور ان کے ہزاروں ہیرے لگائے گئے ہیں۔
مرکزی سکے کا وزن 2 پونڈ جبکہ اطراف کے سونے کے ہرسکے کا وزن 1 اونس ہے جس پر ملکہ کی تصویر بھی بنائی گئی ہے۔
اس سکے پر ہیروں کو برطانوی پرچم اور ملکہ الزبتھ کے تاج کی شکل میں جڑا گیا ہے۔
رپورٹ میں بتایا گیا ہے. کہ اس سکے کو بھارت، برطانیہ، سنگاپور، جرمنی اور سری لنکا کے ڈیزائنر اور ماہرین نے دن رات کی محنت سے بنایا ہے۔